Anche sé só dientàt vècc e grìs

mé regorde del tò bèl vìs,

i tò tiràde de orège per fàm capì

ol bé, ol màl e tött ol mé saì.

té sé sémper ol mé papà

che tè mé dàcc la éta e tè mé cresìt co l’onestà.

Ol tép l’ pàssa e tè sé semper n’ del mè có,

o sircàt la scagna che té sé sentàet zó

a lès l’ giornal e a pialà i rastèi,

e, intàt a zögae co i mé fradèi,

o sircàt i tò ögiai per vèt cosa tè fé

e o ést che la tò forsa l’è dét dè mé

o sircàt söl mé vìs i tò carèsse de quando sére picinì

e o capìt che l’ bé che tè mé ‘nsegnàt…

adès al trasmète a i mé neudì.

Auguri piö sincér a töcc i papà

che parla dè pàs, d’amùr e felicità.

Pecàt che i papà dèl dé de ‘ncö co i famée slagàde

tance, i rèsta dè per lùr e n’ di strade

sensa piö öna cà né l’amùr

e con dèl cör tanta nostalgia e dolùr.

“I matrimòne d’öna ólta i era lóngh e seré

mia come chi d’ncö che fénes dopo tri dé”.

Comunque auguri a töcc cari papà

Amadio