L’è tép de niv

al sa estés dè ròss o’spina-sorèch,

i marüda i borlì del zöèrnes,

ol mösc l’deenta sèmper piö érd,

speranse noè che porta al Presepe.

In del ciél nebiùs

ol sul al sömeà piö lu.

Töte i stagiù i gh’à i so culùr

frècc l’invèren che’l zela la tèra.

Ma ‘l tép al s’è ferma mai

ne col còld ne col frècc.

A l’ fiòca in di prac

e sota la niv süspìsa

al böta l’ formét,

che domà al deenterà pà…..

…straordinare regàl per la éta.

L’è Nedàl pas a töcc noter

e… regordàs ol tèp a l’ va che’l gula

e no se n’rincòrs gnach.

10 novembre 2008

Buon Natale 2008

Amadio